War Deg Deg Ah:- Weerar Lagu Bur Buriyay Gaadiid Dagaal Oo Ay Ka Qeyb Qaadanayaan Ciidamo Cadaan Ah oo Ka Socda Gobalka Sh/Hoose

Wararka ka imaanaya gobalka shabeelaha hoose ayaa ku waramaya in Ciidamada Xoogga Soomaaliya oo gacan ka helaya kuwa cadaan ah ay sakay howgalo xoogan ka wadaan deegaano katirsan gobalkaasi.

Guddoomiyaha Gobolka Shabeellaha Hoose Ibraahim Aadan Najax oo la hadlay warbaahinta ayaa sheegay in Ciidamada Xoogga dalka howlgal ka dhan ah Al-Shabaab ka wadaan degmooyinka Sablaale iyo Kurtunwarey oo ka wada tirsan Gobolka Shabeellaha hoose,isagoona sheegay in Ciidamada Dowladda inta howlgalka ay socdeen ku gubeen gaadiid dagaalka oo Al-Shabaab lahaayeen.

“ Degmooyin badan ayay hadduu Alle yiraahdo ka howlgalayaan, degmada Sablaale iyo deegaanada hoos yimaada sida Sablaale yare iyo weyn oo xarunta degmada Ku taalo iyo degmada Kurtunwarey oo ay ciidamada ku gadaaman yihiin,howlgalka hadduu soo dhameystirmo inshallah warbixinta oo dhameystiran idin sheegi doonaa,” ayuu yiri Guddoomiyaha Gobolka Shabeellaha hoose “Najax”

Ibraahim Aadan Janax,Guddoomiyaha Gobolka Shabeellaha hoose oo hadalkiisa sii wata ayaa sheegay in dhamaan degmooyinka howlgalka ka socdaan sida Sablaale iyo Kurtunwarey laga faramaroojiyay Al-Shabaab,islamarkaana Ciidamada xooga Soomaaliya ay ciidamada Al-Shabaab ka gubeen ilaa iyo saddex gaari oo nuuca dagaalka ah, sida uu warbaahinta muqdisho u sheegay Guddoomiye u sheegay Ibraahim.

Wali majirto wax war ah oo kasoo baxay Xarakada Al-shabaab oo ku aadan weerarkan la sheegay in lagu qaaday degmooyin ay ku sugnayeen ciidamadooda, balse arintaan ayaa ku soo beeg meysa xili maalmo ka hor ciidamada xooga oo gacan ka helayay ciidamo cadaan ah ay la wareegeen deegaanada mubaarak iyo Awdheegle kuwaa oo markii danbe isaga soo baxay deegaanadii Al-shabaab ay kala wareegeen.

Ciidamada Xoogga dalka Soomaaliya oo kaashanaya Ciidamada AMISOM iyo kuwa cadaan ah,ayaa howlgal lagu la dagaalamayo Al-Shabaab waxay ka bilaabeen deegaano katirsan Gobolka Sh/Hoose

Hadba Waxii Kusoo Kordha Halkaan Ayaan Si Deg Deg Ah Idin kugu Soo Gudbin Donaaa

Leave a Reply

Your email address will not be published. Required fields are marked *

*