Daawo Sawirada: Bannaanbixii maanta ka dhacay Muqdisho & Duqa Muqdisho oo farriin u diray Madaxweyne Farmaajo

Bannaanbaxan oo uu soo qaban qaabiyay Maamulka Gobolka Banaadir, ayaa waxaa lagu taageeraayay Madaxweynaha la doortay ee Somaliya, Maxamed C/laahi Maxamed (Farmaajo).

Dadweyne fara-badan oo qaarkood wata sawirada Madaxweynaha Jamhuuriyadda Somaliya, ayaa isugu soo baxay Taalada Daljirka Daahsoon, waxayna ku soo bandhigeen dareenkooda ku aadan is bedelka ku yimid hogaanka dalka.

Bannaanbaxan, ayaa waxaa ka soo muuqday masuuliyiin uu ugu sareeyay Gudoomiyaha Maamulka Gobolka Banaadir ahna Duqa Magaalada Muqdisho, Yuusuf Xuseen Jimcaale (Boorsaani).

Gudoomiyaha oo la hadlaayay bannaanbaxa-yaasha, ayaa wuxuu Madaxweynaha Somaliya uu u diray farriin ah, in xuquuqdii Gobolka Banaadir uu soo dhiciyo.

Gudoomiyaha, ayaa cod kore ku sheegay xuquuqdii siyaasiga ee Gobolka Banaadir in uu maqan yahay, isagoo intaa ku daray inaanay ilaawi doonin, isla-markaana ay har iyo habeenba u taagnaan doonaan, sidii xuquuqdaasi lagu heli lahaa.

Duqa Muqdisho, ayaa Alle ka rajeeyay in Madaxda Dowladda Somaliya uu garadsiiyo xuquuqda Gobolka Banaadir ee la duudsiiyay.

Gobolka Banaadir, ayaan xubno laga siinin Aqalka Sare ee Baarlamaanka Somaliya, halka gobolada kale ee wadanka dad metela ay ku leeyihiin.

Bannaanbax Bannaanbax- Bannaanbax-- Bannaanbax1 Bannaanbax1- Bannaanbax2 Bannaanbax3 Bannaanbax6 Bannaanbax7 Bannaanbax7- Bannaanbax8 Bannaanbax8- Bannaanbax9 Bannaanbax91 Bannaanbax92

xigasho:dhacdo

Leave a Reply

Your email address will not be published. Required fields are marked *

*